客戶回饋 – 品然療癒 Infinity Natural Healing

強烈推薦她的服務

Rosa 的治療技能改變了我對能量治療的看法。經過幾分鐘的治療，我的臀部位置得到了糾正。這是一次神奇的體驗。如果您願意接受這種治療方式，我強烈推薦她的服務。
~Summer

進行了一次療程就能看到明顯差別！

與 Rosa 一起嘗試靈氣療法是一次令我大開眼界的體驗！我以前並不真正相信能量的轉移，直到她糾正我的腿和盆骨時，我才感覺到能量的存在。另外，我的臉部不平衡。我只進行了一次療程就能看到明顯差別！
~Iris

性價比十分好，值得推薦

第一次接觸Rosa老師的時候由朋友介紹到我公司進行能量治療，起初抱着半信半疑的態度。畢竟她不是一個傳統的大師的樣貌，抱住信朋友的心態即管一試進行調頻。調頻完成後Rosa老師跟我說你的同事會開始做得長久，還送我一句「你好像半信半疑，那你今晚發一次惡夢」。
第二次接觸Rosa老師是因為當天晚上我真的發了一個惡夢，所以再請老師幫忙消除痛症，因為這個痛症已經持續半年，感覺就像針剌膝蓋，令我不能過正常生活！這次治療大約用了20分鐘。
總括整體分享，結果到現在我的同事已經在公司工作了兩年。還有每次找老師治療痛症也可以抑壓半年以上，所以我相隔一段時間就會找老師一次魔法治療🤣🤣性價比十分好，值得推薦。
~Angus

Rosa 遙距地使用靈氣幫助我調整，第二天早上我感覺好多了

我一直有肩部和頸部疼痛的問題，通常我會接受中國推拿治療來解決。有一段時間我太忙了，沒有時間去接受治療，而 Rosa 遙距地使用靈氣（因為我在新加坡）來幫助我調整我的後肩胛骨，第二天早上我感覺好多了。
~Justine

我絕對向大家推薦呢個療程！

我第一次經驗係Rosa上年 (2020) 12月幫我做咗一次調骨，因為由細到大其實我左右兩邊都有小小唔平衡，重點傾左，同一般人傾右有啲唔同，所以做運動時好多時都要加倍訓練右邊，而右邊面都有小小向上。當Rosa幫我調骨嗰陣，我感覺到有股氣向我身上游走，最神奇係我身體跟住嗰股氣搖，而一直Rosa 都冇惦過我。做完一次療程之後最大得益係我左右兩邊面平均番，而平衡力雖然冇太大明顯改善不過係感覺到重點向左傾嘅程度小咗。我絕對向大家推薦呢個療程！
~Yoko

大姆指已不能活動自如超過大半年，真的很開心Rosa 幫我醫好了它!!

在一月尾時，我不小心跌倒，令到我左手的第五隻手指骨裂開了。而我的左手大姆指有彈弓手，屈曲之後，要用另一隻手才能將它伸直，醫生說要打針，或要做手術。在一次聚會時，我告訴Rosa，她按着我的手幫我治療，之後我的大姆指可以活動自如，而尾指的痛楚亦減少了。我整晚不停將大姆指上下搖動，因為實在太開心了，它已不能活動自如超過大半年，直到現在它都不再痛了。真的很開心Rosa 幫我醫好了它!!
~楊小姐

我非常驚訝即使遙距進行治療也能如此有效

我第一次體驗 Rosa 的技能是在我在工作中遇到項目問題，而且我不得不找地方搬，因此我的情況不穩定。幸運的是，那次Rosa在台灣，她用靈擺幫助處理我的情況。然後發生的第一件事就是房東打電話給我，告訴我出租單位的報價，後來我的工作項目也慢慢有進展了。
最近我在接種疫苗後出現嚴重的身體不適，包括所有內臟器官繃緊。 Rosa開始能量治療後，她不僅幫助我疫苗接種後的身體恢復，而且還發現我的膝蓋和臀部有問題，還有工作上的壓力。她做治療的時候我在台北睡覺，她在香港完成治療後我就醒了。我非常驚訝即使遙距進行治療也能如此有效。我會建議有任何健康問題的朋友嘗試能量治療並體驗 Sekhem 治療。
~Evgeny

最利害是老師看出我情緒發病原因，還教識我怎樣做

近日我啲抑鬱症情緒病發作加埋周身痛，情緒非常之低落，經朋友介紹Rosa老師，可以幫我清除負力量同減輕痛，唔使食藥同打針的關係所以試一試。初初都是抱著住試吓嘅心態，估唔到短短45分鐘既治療時間，好似睡咗一晚咁，令到我心情放鬆好多。最利害是老師看出我情緒發病原因，還教識我怎樣做，好多謝老師，值得推薦介紹。
~Coco

太神奇，除左自己感受過先知。

第一次體驗能量療癒!!唔好問我係咩，我真係唔知(當時係咁諗)，但我朋友介紹得一定要試試。當時我個腦有一堆問題想問，因為唔知未試過就問題小寶寶咁十萬個為什麼喺個腦，不過都係得試完再問。

瞓係度，放鬆就得，真心…..無可能。仲要閉眼。嗰刻,我要盡量控制自己肌肉去放鬆，因為又緊張又興奮。開始了開始了….唔知係點既呢!!?

好快我FEEL到周圍感覺好唔同，同埋有一堆音頻(嗱!我真係唔知關唔關街外聲事，當時本身外面都好嘈吓，但個音頻喺耳仔隔離，所以我覺得唔同)。UM…感覺類似VR載入遊戲中咁..(好似誇左D…但感覺嘅嘢真係唔係文字表達到呢~)

之後係感覺有個暖爐嘅嘢喺我身上開始!!次序係雙腳..(果刻我只擔心腳氣會唔會影響ROSA (捂臉>///<)膝、肚、手、肩、頭….大約係咁!仲有收尾動作…掃腳!!果下真係好正，因為唔知點解好自然就知道係完結動作。

以下內容，極度抽象形象化，請盡量理解。由於我本身係處理情緒同財嘅嘢，所以完全係個人感覺，當然生理身體嘅變化都有。

喺過程中，我所感覺到、睇到嘅都同ROSA講嘅符合。好似我感覺到震動(我地都以為係對方震)，肌肉自己郁同放鬆(ROSA放緊能量入去)，見到白光不斷變大(放緊蓮花)，見到好多昆蟲(用緊聖甲蟲幫我)，突然感覺有嘢衝入我身體我即時落閘保護自己(ROSA 諗住同我潛意識更深入連繫時見到我抗拒)，有嘢罩住我全身壓得好勁(幫我加反個框)。
[P.S 完左之後ROSA有講休息下READY好就起反身。我心諗，唔係就起身咁簡單嘅事咩？READY D咩？都未諗完，我真係起唔到身。我感覺到全身，但我控制唔到，好重個人。我用左成十幾分鐘，一路傾計一路嘗試郁動，最後先起到個人]

仲有好多感覺，但我記得最清晰係呢幾個。

跟住就是ROSA講話同我潛意傾計後(我個潛意識爆左好多嘢俾ROSA知,曳呀\ 3 / )，ROSA講左好多我之前發生嘅嘢，包括細個嘅時候嘅事，同埋嗰陣嘅感受同想法講番俾我知，全部都係準確無誤。

嗰一刻我只諗到，我要學呢樣嘢~~我要睇哂所有人嘅記憶=W=

太神奇，除左自己感受過先知。重點我一直都感覺自己第六感好準，但未遇到ROSA之前，我都好怕同人講，因為真係外人覺得你好痴線同當我精神病。

我而家先明白，好多感覺都係真。我聽到睇到感覺到嘅，都是真實存在嘅嘢。

我當日做完之後個人嘅心身兩個層面嘅變化感覺好明顯，心情一直保持平靜。大腦同身體開始出現極疲勞，嗰種疲勞嘅感覺有別我人生所感受過嘅。

之後當晚極度好瞓，我未試過由心放鬆嘅瞓覺，真係好舒服。AND THEN~我第二日起身吃完早餐，又再瞓返!!(ROSA 有講呢幾日可能出現嘅情況，同埋多次提醒: 飲多D水同休息多D)。之後我足足瞓左一日= =點瞓都唔夠嗰隻。同埋極度肚餓，我食左好多嘢嗰日。

去到今日第4日，我心情上仲係好平穩，身體嘅舒適感覺仲喺度。

至於生理上有樣嘢我一定要分享，好私人但我覺得太神奇。喺療癒之前，我性嘅需求可以講係每日都有。不論肉體思想上嘅沖動，都係每日會有。但我去到今日真係好似聖人咁，無諗過亦無生理上沖動同需求。我可以好平靜咁令心身喺寧靜嘅狀態。之前真係會感覺，點解我會成日都想要，我會有呢種矛盾，但呢刻係平靜。

我真係估唔到我可以體會到呢種感覺。

我仲有好多未講，但我攰了XD 打左咁多字。

希望大家親自體會更多。我而家等緊開班>3< 快D 1月我要學。而家開始了解有關能量脈輪嘅嘢。
~Filt